Skip to content
Легендарниот холивудски актер Доналд Сатерленд, познат по улогите во филмовите „1900“, „M.A.S.H.“, „Игри на гладта“, „Злато за храбрите“, „Маш“, „Валканата дузина“, „Клут“ и „Не гледај сега“, почина на 88-годишна возраст.
„Со тешко срце ве известувам дека мојот татко Доналд Сатерленд почина. Јас лично го сметам за еден од најважните актери во историјата на филмот. Го сакаше тоа што го работеше и го правеше она што го сакаше, а повеќе од тоа не можеш да бараш“, објави неговиот син Кифер Сатерленд на Инстаграм.
Со извонредна кариера долга повеќе од половина век, добитникот на Еми и Златен глобус оствари незаборавни улоги на негативци, антихерои, романтични главни личности и фигури на ментори. Неговата биографија неодамна се зголеми и со неговата споредна улога во франшизата „Игри на гладта“.
Важеше за еден од најголемите актери кој никогаш не беше номиниран за Оскар за некоја од неговите улоги, а дури во 2017 година доби почесна статуетка.
Доналд ги имаше Кифер и неговата сестра близначка Рејчел во бракот со поранешната сопруга Ширли Даглас, со која живееше од 1966 до 1970 година.
Сатерленд зад себе ги остави неговата послоедна сопруга Франсин Рацет, синовите Рог, Росиф, Ангус и Кифер, ќерката Рејчел и четири внуци. Неговиот син Кифер го наследи татко му во филмската индустрија.
Доналд студирал глума на Универзитетот во Торонто и на Кралската академија за драмски уметности пред да го направи своето актерско деби во „Замокот на живите мртовци“ во 1964 година. „Заколнатиот“ Канаѓанец никогаш не побарал американско државјанство бидејќи, според него, Американците немале ист смисол за хумор како неговите земјаци.
Даглас беше и актер и активист за граѓански права, кој беше еден од основачите на групата за собирање средства наречена Пријатели на Црните пантери. Документите декласифицирани во 2017 година покажаа дека на барање на ЦИА, Доналд Сатерленд бил ставен на списокот за следење на Националната агенција за безбедност (НСА) во раните 1970-ти.
