Ирачката влада формира комитет за подготовка за затворање на мисијата на меѓународните сили во земјата, предводени од САД, соопшти денеска канцеларијата на ирачкиот премиер, Мохамад Шија ал Судани.
Билатералниот комитет ќе се подготви трајно да го прекине присуството на силите на меѓународната коалиција во Ирак, се вели во соопштението. Комитетот ќе вклучува претставници на воената коалиција, изјави владин претставник.
Најавата дојде еден ден откако американскиот напад во Багдад го уби водачот на ирачката милиција поддржана од Иран.
Убиството предизвика бес кај иранските групи кои бараа од ирачката влада да го прекине присуството на меѓународната коалиција во Ирак.
Американската војска го изврши нападот во четвртокот како одмазда за неодамнешните напади врз американскиот персонал, соопшти Пентагон.
САД имаат 900 војници во Сирија и 2.500 во мисијата во Ирак, за кои Вашингтон вели дека се наменети да ги советуваат и да им помогнат на локалните сили во обид да го спречат обновувањето на Исламската држава, која зазеде големи делови од двете земји во 2014 година пред да се повлече.
Милициските групи во Ирак и Сирија, кои се ориентирани кон Иран, се спротивставуваат на воената операција на Израел во Појасот Газа и ги сметаат САД делумно одговорни за конфликтот.
