Ирански професор: САД и Израел планираат да го „балканизираат“ Иран

Фоад Изади, професор на Универзитетот во Техеран, изјави за Ал Џезира дека САД и Израел „планираат да го распаднат Иран“, посочувајќи ја изјавата на Трамп во која се сугерираше дека картата на Иран можеби нема да изгледа исто откако ќе заврши војната.

Тоа покажува, рече професорот, дека САД и Израел планираат да ја „балканизираат“ земјата алудирајќи на распадот на Југославија во деведетсеттите години од 20, век.

„Мислам дека Трамп е заинтересиран за одвојување на деловите богати со нафта од Иран, кои се… [се наоѓаат на] северната страна од Персискиот Залив. Тој веројатно би поставил некого задолжен за деловите богати со нафта, а остатокот од Иран не би му бил од голема корист“, рече тој, осврнувајќи се на Заливот, познат и како Арапски Залив.

„Значи, другите делови од Иран би можеле да бидат преземени од соседните земји или едноставно оставени на мира ако немаат нафта“, рече Изади.

„Трамп ја сака нафтата – ја сака венецуелската нафта, ја сака иранската нафта.“

„И треба да имате влада која не функционира, без лидер. Тие [Израел и САД] веројатно би сакале да го убијат и претседателот на Иран. Значи, би имале колапс на иранската влада и промена на картата на Иран“, рече тој.