Skip to content
Економијата на Исланд бележи значителен напредок по воведување на четиридневна работна недела, без намалување на платите, покажува едно неодамнешно национално истражување. Во периодот меѓу 2020 година и 2022 година, 51 отсто од работниците прифати скратено работно време, вклучувајќи и четиридневна работна недела.
Исланд во 2023 година имаше економски раст од 5 отсто, што ја смести земјата во редот на најбрзо растечки економии во Европа. Успехот го следеа и ниска стапка на невработеност која минатата година изнесуваше 3,4 отсто, ниво што е под просекот во развиените европски економии.
Истражувањата покажаа дека продуктивноста останала иста или се подобрила, а благосостојбата на работниците е значително унапредена, вклучително и намалување на стресот и подобрување на балансот меѓу работата и приватниот живот.
Меѓународниот монетарен фонд (ММФ), сепак, предвидува забавување на растот во наредните години, што ќе биде последица на намалување на домашната побарувачка и забавување на туристичката потрошувачка.
