Истрага за врски со Епстајн: Џек Ланг и ќерка му под лупа

Истрага за врски со Епстајн отворена во Франција против поранешниот министер за култура Џек Ланг и неговата ќерка Каролин Ланг, откако Националното финансиско обвинителство започна предистражна постапка за сомневања поврзани со перење пари од „тешка даночна измама“ и можни офшор-аранжмани поврзани со покојниот американски финансиер Џефри Епстајн.

Во рамки на постапката, француската полиција на 16 февруари изврши претреси и во просториите на Институтот за арапскиот свет во Париз, институција со која Ланг раководеше од 2013 година, а од која се повлече претходно овој месец по објавувањето на нови документи поврзани со Епстајн во САД.

Фокусот на истрагата, според јавните информации, е и на офшор-компанијата Prytanee LLC, формирана во 2016 година на Британските Девствени Острови, во која Каролин Ланг поседувала 50% од уделите, а во извештаите се наведува дека на сметките имало околу 1,4 милиони долари и дека структурата била претставувана како фонд за поддршка на млади уметници.

Во истата линија на сомневања, медиумите пренесуваат дека Каролин Ланг се појавува и во тестаментот на Епстајн, потпишан два дена пред неговата смрт во 2019 година, со наведено ветување за 5 милиони долари, но таа изјавила дека за документот не знаела и дека не добила средства.

Џек Ланг, пак, јавно призна дека со години разменувал кореспонденција со Епстајн, но тврди дека не знаел за неговите злосторства и дека не остварил финансиска корист, додека адвокатот на семејството изјави дека „немало движење на средства“