Израел и Хамас се блиску до договор за размена на заложници

Израел и Хамас ги надминаа најспорните точки во преговорите за прекин на огнот и може да се очекува договор за размена на заложници и затвореници, објавија денеска медиумите од Блискиот Исток.

Израел ќе понуди ослободување на 125 заложници кои отслужуваат доживотна казна затвор, како и 1.100 затвореници уапсени по нападот на Хамас на 7 октомври 2023 година, објави „Тајмс оф Израел“, повикувајќи се на саудискиот телевизиски канал Ал Хадат.

Се очекува предлогот да биде прифатен, се вели.

Во понеделник, 25 земји потпишаа заедничка изјава со која повикуваат на итен прекин на војната во Појасот Газа и го критикуваа моделот на испорака на хуманитарна помош на израелската влада, кој го нарече опасен, дестабилизирачки и понижувачки за народот на Газа.

Од друга страна, портпаролот на израелското Министерство за надворешни работи, Орен Марморштајн, изјави дека изјавата „нема никаква врска со реалноста“ и дека израелската влада ја отфрла.

-Хамас е единствената страна одговорна за продолжувањето на војната и страдањето на двете страни. Во овие чувствителни моменти од тековните преговори, подобро е да се избегнуваат изјави од ваков вид, рече Марморштајн.