Skip to content
– Престрелката меѓу израелските воени сили и либанските борци на границата продолжи и денеска, јави ДПА. Израелската војска соопшти дека нападнала локација каде дејствуваат борците на либанскиот Хезболах поддржани од Иран, како и друга „терористичка инфраструктура“.
Армијата соопшти дека во северните израелски населби се огласиле предупредувачки сирени за воздушен напад откако бил пресретмат ракетен истрел од јужен Либан.
Телевизискиот канал Ал-Манар управуван од Хезболах јави за израелското гранатирање во јужен Либан. Според првичните податоци, нема пријавени смртни случаи.
Од почетокот на војната меѓу Израел и палестинската група Хамас на 7 октомври, постојано има судири меѓу израелската армија и Хезболах. Конфликтот што избувна претставува најсериозна ескалација од израелско-либанската војна во 2006 година, забележува ДПА.
