Skip to content
Израел денеска ќе почне со дистрибуција на илјадници автоматски пушки на припадниците на доброволните единици за брз одговор во пограничните населби, како и во етнички мешаните еврејско-арапски градови, најави израелскиот министер за национална безбедност Итамар Бен-Гвир.
Во неговото соопштение се наведува дека во првиот круг ќе бидат поделени 4.000 пушки од израелско производство и дека ќе следи уште една ваква акција во која ќе бидат поделени уште најмалку 6.000 автомати и дека сите припадници на овие доброволни единици ќе бидат опремени со шлемови и заштитни јакни.
Соопштението на Бен-Гвир дојде по упадот на вооружени лица од Газа, поради можноста за внатрешни конфликти во Израел меѓу Евреите и арапското малцинство, кое сочинува околу 20 отсто од израелското население и главно се идентификува со Палестинците. (МИА)
