Калеска-Ванчева: Време за чекање за ЕУ веќе нема, мора да ги преземеме работите во свои раце

„За да решите некој проблем треба прво да се соочите со него. Дали имаме јасна цел, каде сакаме да сстигнеме, па треба да го погледнеме проблемот во очи и да го решаваме. Во спротивно може да се однесуваме дека немаме проблем или дека имаме проблем, но е нерешлив и да ја ставиме главата во земја и да чекаме подобри времиња. Ние чекаме 30 години и времето на чекање мора да престане. Мора да ги земеме работите во свои раце, сега е топката кај нас“, рече пратеничката од СДСМ, Снежана Калеска-Ванчева во „24 анализа“ на ТВ24.

Таа додаде дека единствен политички услов за отворање на поглавјата за членство во ЕУ, што е прифатен со преговарачката рамка е ставањето на Бугарите во Уставот и дека други услови не може да има.

„Преговарачката рамка е усовена од сите членки и точно се знае што треба да направиме з ада ги отвориме поглавјата и да тргнеме во она што се вели преговори до конечно членство во ЕУ“, истакна Калеска-Ванчева.

Пратеничката додаде дека многу држави кои сега се членки на ЕУ се соочувале со слични проблеми во минатото, но дека го надминале тоа во процесот на пристапување и истото треба да го направиме и ние.