Која е Партијата на слободата на чија победа се радува Путин?

За Партијата на слободата (Freiheitliche Partei Österreich, FPÖ) се вели дека е основана во 1950-тите од поранешни членови на паравоената група СС на Хитлер, иако Кикл и неговите поддржувачи ја отфрлаат оваа споредба.

На чело на ФПО е 55-годишниот Херберт Кикл, кој од неговата партија беше прогласен за „народен канцелар“ (Volkskanzler). Терминот најмногу се поврзува со нацистите бидејќи истата позиција ја добил и Адолф Хитлер, пишува НБЦ.

Тој, заедно со другите екстремно десничарски лидери, ја искористи високата инфлација и европската миграциска криза, во која стотици илјади луѓе избегаа од војна, сиромаштија и природни катастрофи на Блискиот Исток, Северна Африка и пошироко, наведуваат американските медиуми.

Кикл предложи драматична ревизија на миграцискиот систем на Австрија, вклучително и воведување „ремиграција на несакани странци“ – депортација на мигрантите во нивната земја на потекло.

Партијата има силни врски и со рускиот претседател Владимир Путин, кој се смета за главен непријател на Европската унија, јавуваат американските медиуми.

Партијата на слободата повика не само на крај на европската поддршка за Украина, туку и на крај на санкциите против Русија поради војната.

Идеите и политиката на партијата не им се непознати на жителите на Австрија, која во последните години обезбеди високо место во меѓу партиите во австриската политика.

Партијата беше помал партнер во коалициската влада со Народната партија на Австрија (Österreichische Volkspartei) помеѓу 2017 и 2019 година, но коалицијата резултираше со прекин на врската поради скандали и конфликти.

Иако Партијата на слободата отсекогаш била подредена во коалициите, сега ги има картите и може да ги натера другите да и бидат партнери во формирањето на владата.

Народната партија на Австрија е единствената која во минатото беше отворена за сојуз со екстремната десница и останува да се види дали овојпат ќе ја прифати улогата на втора во коалицијата за формирање на влада.

Канцеларот и лидер на НПА Карл Нојхамер досега негираше каква било коалиција во која е вклучена Кикл, но со тоа што Кикл сега е на чело на победничката австриска партија, нацијата се приклучува на долгата листа на земји низ Европа каде екстремната десница сега има значителна моќ во Германија. Франција и Холандија ова лето.

Со векови, Австрија има огромно влијание како раскрсница во срцето на Европа, а нејзиниот неутрален статус, не официјално сојузник на НАТО или Русија, долго време служеше како арена за политичарите, дипломатите и шпиони кои се обидуваат да влијаат на геополитичката рамнотежа.

Ова ја става Австрија во многу непријатна позиција бидејќи е родното место на Адолф Хитлер со потенцијална влада која е сè само не неутрална, пишува НБЦ.