Skip to content
Според податоците на Евростат, шест земји од ЕУ имаат минимални плати помеѓу 1.000 и 1.500 евра месечно, додека во некои земји-членки платите многукратно.се зголемени
Од 1 јануари 2025 година, 22 од 27-те земји од Европската Унија имаат законски утврдена минимална плата, но нивото на минималната плата во некои земји сè уште покажува големи разлики меѓу нив. Сепак разликите значително се намалуваат кога се земат во предвид трошоците за живот.
Во десет земји од ЕУ минималните плати се под 1.000 евра месечно: Бугарија (551), Унгарија (707), Латвија (740), Романија (814), Словачка (816), Чешка (826), Естонија (886), Малта (961), Грција (968) и Хрватска (970).
Шест земји имаа минимални плати помеѓу 1.000 и 1.500 евра месечно: Кипар (1.000), Португалија (1.015), Литванија (1.038), Полска (1.091), Словенија (1.278) и Шпанија (1.381).
Во преостанатите шест земји, минималните плати надминуваа 1.500 евра месечно: Франција (1.802), Белгија (2.070), Германија (2.161), Холандија (2.193), Ирска (2.282) и Луксембург (2.638).
Помали разлики кога се земаат предвид разликите во трошоците за живот
Највисоката минимална плата во ЕУ беше 4,8 пати повисока од најниската, но по прилагодувањето на разликите во трошоците за живот, минималните плати се движеа од 878 PPS во Естонија до 1.992 PPS во Германија. Во тој случај, највисоката плата е 2,3 пати повисока од најниската.
Во 2022 година, минималните плати во Франција, Португалија и Словенија изнесуваа повеќе од 60 проценти од просечните бруто месечни плати (66 проценти). Спротивно на тоа, во Белгија (49 проценти), Малта (46 проценти) и Естонија и Латвија (по 43 проценти), минималните плати беа значително пониски од просечните плати.
Податоците за минималните и просечните плати се прикажани во бруто износи, пред одбитоци од даноци и придонеси.
Кога минималната плата се одредува по час, како што е случајот во Германија, Франција, Ирска и Холандија, таа се претвора во месечен износ. Исто така, во земјите каде што минималната плата се исплаќа повеќе од 12 месеци во годината, како што се Грција, Шпанија и Португалија, податоците се соодветно прилагодени.
Средните плати го вклучуваат бруто месечниот приход на вработените со полно работно време и со скратено работно време (конвертирани во еквивалент на полно работно време), исклучувајќи ги прекувремените часови и дополнителните плаќања.
Во 2022 година, Европскиот парламент и Советот на ЕУ ја усвоија Директивата (ЕУ) 2022/2041 за соодветни минимални плати. Целта е да се подобрат условите за живот и работа, а воедно да се постават критериуми за фер минимални плати во однос на распределбата на платите во секоја земја.ReplyForward
