Коњановски: „Очекуваме мнозинство во Советот на Битола“

Кандидатот за градоначалник на Битола од коалицијата „Твоја Македонија“ предводена од ВМРО–ДПМНЕ, Тони Коњановски, изјави дека очекува силно мнозинство во идниот состав на Советот на Општина Битола за „непречено реализирање на заедничката програма“. Пораката ја упати на прес-конференција во битолскиот огранок на Социјалистичката партија на Македонија (СПМ), на која се заблагодари за јавната поддршка од партијата. „И во оваа кампања сме заедно со Социјалистичката партија на Македонија, нашиот традиционален поддржувач. Во идниот состав на Советот на Општина Битола очекуваме мнозинство,“ изјави Коњановски.

Носителот на советничката листа, Филип Поповски, нагласи дека кадровската и програмската понуда на коалицијата се „гаранција за квалитетен состав на Советот“, најавувајќи заедничко спроведување на програмските цели со членовите и симпатизерите на СПМ. Поповски посебно ја истакна кандидатката Кети Јосифовска, за која рече дека „ќе биде глас на народот“ и ќе се залага за проекти за подобар квалитет на живот во Битола.

На настанот зборуваа и претставници на СПМ, меѓу кои Александар Вангеловски, кој ја потврди поддршката за кандидатот за градоначалник и за советничката листа на коалицијата. Текстот е објавен на 5 октомври 2025 година.