Skip to content
“На секој социјалдемократ му е гордост и тоа што нашата партија во изминативе години од Северна Македонија направи земја која е носител на најпозитивните политички текови и процеси не само во Западен Балкан туку и во Европа и во демократскиот свет.” – истакна денеска претседателот на СДСМ и премиер Димитар Ковачевски на трибината „Повеќе за сите” во Штип.
Ковачевски потенцираше дека Владата предводена од СДСМ, вложи максимални политички напори, земјата да стане членка на НАТО и да отпочне пристапни преговори со ЕУ.
“СДСМ како владејачка партија успеа да ги реши најтешките политички прашања кои со децении земјата ја држеа во политичка, безбедносна и економска неизвесност.” – истакна Ковачевски.
Направивме историски чекори кои не беа на штета на нашата култура, на нашиот идентитет, на нашиот јазик, туку напротив не само што ги зацврстивме, туку ги реафирмиравме и ги потврдивме насекаде во светот, посочи претседателот на СДСМ, Димитар Ковачевски од Штип и истакна:
”Носејќи државнички одлуки, го обезбедивме и европското и светското признание на македонскиот јазик и македонскиот идентитет, со што би се гордееле сите наши предци. Денес, македонскиот јазик е официјализиран, после Обединетите Нации и НАТО – и во Европската Унија. Дури и меѓу 10 те светски јазици на Вселенската Патријаршија.” Рече Ковачевски.
“Нашиот фокус е што побрза интеграција на земјата во ЕУ и нема да не поколеба токсичниот популизам и автократските тенденции, ниту лажните вести. Заедно со граѓаните ќе се избориме за членство во ЕУ.” – порача претседателот на СДСМ, Димитар Ковачевски од Штип.
„Нашиот фокус е што побрза интеграција на земјата во ЕУ и нема да не поколеба токсичниот популизам и автократските тенденции, ниту лажните вести“, порача претседателот на СДСМ и премиер, Димитар Ковачевски, на трибината „Повеќе за сите“ во Штип.
„Горд сум што сето ова го препознаа нашите пријатели од ЕУ, во нас видоа реформска партија, во нас препознаа партнер кој земјата ја внесе во НАТО, која на граѓаните им овозможи стабилност и безбедност и која може да ја внесе земјата во ЕУ“, рече Ковачевски.
Претседателот на СДСМ и премиер, Ковачевски, посочи дека СДСМ, како водечка партија што ја сврте државата кон европската агенда, нема да дозволи напредокот на земјата да биде жртвуван од неодоговорни политичари како Мицкоски, кој самиот кажа дека со неговата партија може да нема евроинтеграции ниту за 100 години.
„Ние започнавме иницијатива за формирање на Европски фронт. Ги повикавме сите политички субјекти, невладини организации, граѓански здруженија, активисти, сите кои иднината на земјата ја гледаат како полноправна членка на ЕУ да се приклучат. Одиме на двојна победа, на претседателските избори и на парламентарните избори во 2024 година“, повика Ковачевски.
„СДСМ ќе ја формира новата проевропска Влада којашто ќе ја однесе земјата во Европската Унија и која ќе обезбеди европска иднина за нашите деца, ама не во некоја туѓа земја во ЕУ, туку тука дома, во Европска Македонија“, оцени Ковачевски во Штип.
Повеќе за сите е поголемата поддршка за зголемување на ученичкиот стандард од ранливи семејства, грижата за нив и за нивната социјална сигурност, рече претседателот на СДММ, Марко Михаилоски на вечерашната трибина Повеќе за сите во Штип.
-За ученици од средно, обезбедивме финансиска поддршка и до 10.800 денари по ученик за период од 5 месеци. Учениците од основното образование добиваат 7.200 денари до крајот на учебната година, рече Михаилоски.
Нашите социјалдемократски вредности се пресликани и во нашите политики и мерки. Социјално ранливите граѓани ги поддржуваме со дополнителна финансиска поддршка.
-До 10.000 денари за период од 5 месеци добиваат и корисниците на надомест заради попреченост, самохраните родители, приматели на Гарантиран минимален приход, деца со попреченост до 26 години. За оваа финансиска поддршка нема потреба граѓаните да аплицираат, ќе ја добијат директно на сметките, рече претседателот на СДММ, Марко Михаилоски на трибината Повеќе за сите во Штип.
За младите македонски генерации исклучително е важна европската перспектива и ние ќе направиме се да продолжиме по европскиот пат, заради подобра иднина пред се на младите, додаде Михаилоски.
