Skip to content
Портпаролката на руското Министерство за надворешни работи Марија Захарова денеска најави дека шефот на дипломатијата Сергеј Лавров ќе присуствува на Третиот дипломатски форум во Анталија, што ќе се одржи од 1 до 3 март.
Лавров ќе отпатува за Турција на покана на турскиот министер за надворешни работи Хакан Фидан.
Захарова истакна дека на средбата Лавров – Фидан ќе се разговара за регионални и меѓународни прашања, вклучително и билатералната соработка во областа на енергетиката, безбедноста, банкарството и туризмот, како и за ситуацијата во Украина, Јужен Кавказ, Сирија, Либија и за Палестинците.
