Македонија не ги исполни неопходните реформи, Украина и Молдавија официјално се во роаминг зоната на ЕУ

Украина и Молдавија од денеска се официјално се приклучени во роаминг зоната на ЕУ.

Ова денеска го соопшти Директоратот за проширување и источно соседство на Европската Комисија.

Today, Ukraine and Moldova officially join the EU Roaming area.

What does this mean?
People from 🇺🇦 & 🇲🇩 can now call, text and use their mobile data from their local phone numbers for communication to the 27 EU countries at no extra cost and vice versa. pic.twitter.com/Jerhrs4la4

— EU Enlargement & Eastern Neighbourhood 🇪🇺 (@eu_enlargement_) January 1, 2026

Со вклучувањето во ЕУ зоната, граѓаните на Украина и Молдавија од сега можат да се јавуваат, да испраќаат СМС-пораки и да ги користат своите мобилни податоци од нивните локални телефонски броеви за комуникација со 27-те земји од ЕУ без дополнителни трошоци и обратно.

Во однос на Македонија ова значи дека нашата земја не ги исполнила неопходните реформите кои ќе и овозможеа од денеска да биде во можност за бесплатен роаминг со Европската Унија.

Укинувањето на роамингот со ЕУ беше најавено одамна. Министерот за надворешни работи на Северна Македонија, Тимчо Муцунски, најави таква мерка за почетокот на 2026 година за време на состанокот со европската комесарка за проширување Марта Кос во август оваа година.

Во документот со предложените нацрт-заклучоци на Европскиот совет од 16 декември беше наведено дека Украина и Молдавија ќе бидат ослободени од роаминг трошоци од 1 јануари 2026, нагласувајќи дека земјите од Западен Балкан треба да го добијат истиот режим доколку ги исполнат узловите.