Skip to content
Францускиот претседател Емануел Макрон и украинскиот претседател Володимир Зеленски денеска во Париз разговараат за американскиот план за запирање на руската агресија врз Украина, објави „Ле Монд“.
Според Елисејската палата, двајцата лидери најпрво имаа работен ручек и средба тет-а-тет, по што ќе одржат заедничка прес-конференција.
Ова е десета посета на Зеленски на Париз од почетокот на руската инвазија во февруари 2022 година.
Посетата се одвива ден по разговорите меѓу американската и украинската делегација на Флорида, во пресрет на патувањето на американскиот пратеник Стив Виткоф во Москва, каде утре треба да се сретне со рускиот претседател Владимир Путин.
Во меѓувреме, Русија минатиот викенд изведе ракетни напади врз Киев, при што загинаа неколку лица, а десетици беа ранети. Украина, пак, ја презеде одговорноста за напади со дронови врз танкери на таканаречената „фантомска флота“ што Москва ја користи за заобиколување на санкциите за извоз на сурова нафта.