Маск откри зошто сè уште работи иако има милијарди: Сè објасни во една реченица

Илон Маске сеуште работи иако неговото богатството се проценува на околу 500 милијарди долари.

Со богатство проценето на огромни 500 милијарди долари, повеќето луѓе веројатно би размислиле за мирен живот на приватен остров. Сепак, Илон Маск има сосема различни планови, а причината зошто тој продолжува да работи неуморно е сè друго освен очекувана.

Во гостувањето во подкастот „Тесла Бит“, Маск одговори на прашањето зошто продолжува да работи толку напорно и од каде доаѓа неговата страст за политика. Неговиот одговор беше изненадувачки искрен.

„Мислам дека тоа е добро прашање бидејќи оди до самата основа на мојата филозофија и објаснува зошто доаѓам до заклучоците што ги правам“, започна Маск.

Тој откри дека неговата мотивација доаѓа од „егзистенцијалната криза“ што ја доживеал како тинејџер, кога не можел да најде задоволителни одговори за смислата на животот ниту во религиозни текстови ниту во филозофски дела.

Книгата која му го промени погледот на светот

Пресвртницата се случила кога прочитал хумористичен научно-фантастичен роман кој, вели тој, му променил сè.

„Потоа го прочитав „Водич за стопер низ галаксијата“ и сфатив што Даглас Адамс се обидуваше да каже, дека ние всушност не знаеме кои се вистинските прашања. Прашањето не е која е смислата на животот“, објасни Маск.