Skip to content
Американскиот милијардер Илон Маск му порача на германскиот канцелар Олаф Шолц дека треба да му е срам, нарекувајќи го „Оаф Шиц“.
Шолц претходно на Светскиот економски форум во Давос изјави дека не ја поддржува слободата на говор кога се користи за екстремно десничарски ставови, откако американскиот милијардер Илон Маск ги поздрави присутните на инаугурацијата на американскиот претседател Доналд Трамп со гест што изгледаше како фашистички поздрав.
„Срам да ти е, Оафе Шиц“, напиша Маск.
„Шиц“ нема никакво значење на германски.
Претходно, Маск ја поддржа екстремно десничарската партија Алтернатива за Германија (AfD), што доведе до критики од германскиот политички естаблишмент и влијаеше на ставот на Шолц на Светскиот економски форум (СЕФ).
Маск претходно го нападна Шолц на социјалната мрежа Х, нарекувајќи го „неспособен будала“ кој треба да поднесе оставка по смртоносниот напад на германскиот божиќен пазар.
