Skip to content
Италијанската премиерка Џорџа Мелони денеска во парламентот изјави дека Рим ќе го поддржи создавањето на поморска мисија на Европската унија за патролирање на границите на море.
– Италија ќе го поддржи создавањето на европска поморска мисија, во договор и во соработка со северноафриканските власти, рече Мелони во Сенатот пред состанокот на лидерите на Европската унија.
Таа исто така додаде дека Италија сака ЕУ да го зголеми износот на средствата наменети за борба против масовната илегална миграција во нејзиниот повеќегодишен буџет за 2021-2027 година, бидејќи Рим е оптоварен со зголеменото пристигнување на чамци со мигранти на италијанските јужни брегови.
