Мерц ја предлага Женева за место за преговори за прекин на огнот во Украина

 На оваа средба треба да се разговара за повоените безбедносни гаранции за Украина.

„Женева би била соодветно место за договор за прекин на огнот. Задутре повторно ќе ѝ предложам на „Коалицијата на подготвените“ да испрати покана за Женева, рече Мерц на прес-конференција заедно со швајцарската претседателка Карин Келер-Сутер“, јави ДПА.

„Коалицијата на подготвените“, составена од Франција и Велика Британија, со месеци води разговори за да се обиде да дефинира планови за тоа кои земји би можеле воено да ѝ помогнат на Украина да ја одврати Русија од повторен напад откако ќе се постигне конечно прекин на огнот.

Франција ќе биде домаќин на делумно виртуелниот состанок в четврток, на кој ќе се разговара за најновите напори за обезбедување безбедносна поддршка на Украина откако ќе се постигне мировен договор, пренесуваат британските медиуми.