Мицкоски со нов трик, од општинските советниците ќе бара докуметни за заштита од мигранти

Советниците на ВМРО-ДПМНЕ следната недела ќе достават документи до општинските совети со кои ќе се гарантира дека нема да се градат мигрантски кампови, најави премиерот Христијан Мицкоски.

Целта на оваа иницијатива е да се потврди ставот на партијата против нелегалната миграција и да се смират граѓаните. Истовремено, Мицкоски ги повика надлежните институции да покренат постапки против функционерите на СДСМ за ширење страв и паника, согласно Кривичниот законик.

„Кога веќе официјално стигнува демант од Претседателот на Владата, од соодветните министерства… мислам дека сега од тој момент па натаму вие го поминувате Рубиконот и вие свесно, и покрај демантите, ширите паника и страв помеѓу граѓаните. За тоа во кривичниот законик се предвидени одредени санкции. Јас ги повикувам соодветните органи да излезат од тие октоирани стеги на претходната влада… и против овие лица да покренат процеси“, рече Мицкоски.