Многу возачи не знаат: Колкав е дометот на фиксните радари?

Од појавата на суперавтоматските радари, милиони возачи внимателно ја следат страната на патот за да ја забележат контролата на брзината и навремено да сопрат.

Една од најчестите дилеми е колку навистина е голем дометот на камерите кои се користат за сообраќајниот надзор.

Факт е дека фиксните камери обично „пукаат“ на многу помала дистанца, точно дефинирана со техничките можности на уредот.

На пример, фиксните камери за мерење на брзина, како моделот GATSO RT4, кои најчесто се поставуваат покрај патиштата, имаат домет до 100 метри. Во тој опсег, камерата може прецизно да ја измери брзината на возилото, да направи јасна фотографија и да ја забележи регистарската табличка.

Минималната дистанца на која системот започнува со мерење е околу 10 метри, што значи дека камерата не снима целиот патен правец, туку само точно определен сегмент.

Камерите не снимаат непрекинато возила кои се приближуваат од голема дистанца. Иако куќиштето на камерата може да се види оддалеку, уредот активно бележи прекршок само кога возилото е внатре во зоната на мерење – каде точноста и квалитетот на фотографијата се доволни за прекршочен процес.

Затоа, тврдењата дека фиксните камери снимаат на неколку стотици метри или дури километри се неточни за системите кои се користат во сообраќајниот надзор. Поголеми домети се однесуваат на полицајни радари или ласерски уреди во мобилни контроли, но не и на класичните камери во фиксни куќишта.