Македонската авторка Румена Бужаровска на 31 јануари во Буенос Аирес, Аргентина, го претстави шпанското издание на „Мојот маж“, објавено од шпанската издавачка куќа Impedimenta, во превод на Красимир Тасев.
Промоцијата се одржа во книжарницата Dain Usina Cultural пред бројна публика, соопшти Издавачкиот центар ТРИ.
Со Бужаровска разговараше новинарката, авторка и професорка Инде Помераниец, која во 2015 година беше една од организаторките на аргентинското феминистичко движење NiUnaMenos против фемицидот и насилството врз жените.
Деновиве „Мојот маж“ е објавена и на полски јазик, во издание на Biuro Literackie и во превод на Јованка Дорота Ќириќ.
Според истоимената збирка раскази атинскиот театар „Тисион“ постави претстава во режија на грчката режисерка Марија Маганари.
Збирката „Мојот маж“ досега е преведена на четиринаесет јазици и е поставена како театарска претстава во шест земји. Неодамна издавачката куќа ТРИ го објави десеттото издание на книгата.
