Центарот за современи уметности – Скопје и LOGS Асоцијацијата од Романија се организатори на мултимедијалнниот настан „Украина е…“ составен од изложба, музички настапи и дегустација на традиционална храна, кој ќе се одржи денеска, среда 9-ти октомври, со почеток во 19 часот во Мобилната монтажна галерија во паркот на Франкофонијата во Скопје.
Мултимедијалниот настан „Украина е…“ има за цел да ја зголеми свеста за состојбите со кои се соочува Украина заради Руската агерисја и на тој начин да придонесе кон ширење на вистините за случувањата во Украина, како и да ја зголеми солидарноста кон милиони украински бегалци раселени насекаде низ Европа. Настанот се состои од 3 елементи, односно изложба, музички дел и дегустација на традиционална украинска храна.
Изложбата „Украина е…“ претставува кураторски концепт на украинската кураторка која моментално живее во Темишвар, (Романија) Јана Розбицкаја, кој преку серија фотографии ги претставува најважните карактеристики на современата и традиционалната украинска култура, но ги презентира и придобивките што Украина и украинската култура ги дале на целиот свет. Изложбата се состои од 10 фото колажи во низ уметничка стилизација оплеменета со локални мотиви се содржани најбитните податоци и репрезенти на Украинската култура, наука, традиции и достигнувања. Преку оваа изложба кураторката Розбицкаја се обидува на пошироката публика од една страна да ги претстави вредностите, убавините и посебностите на Украина, истовремено претставувајќи ги и изумите и достигнувањата на полето на науката, медицината, технологијата, спортот и културата кои Украина ги има дадено за целиот свет.
Музичкиот дел е планиран со настап на украинските вокални изведувачи Ана Бречко, Софија Ковалова и Лесја Баженова кои ќе интерпретираат модерна и традиционална украинска музика.
Финално на настанот посетителите ќе имаат можност да дегустираат вкусови и ароми на традиционална слатка украинска храна, домашно приготвена со љубов од украинските бегалци кои се наоѓаат во Романија.
Уметници и учесници во овој настан се:
Јана Розбицкаја, куратор и културен оператор од Украина која последниве 2 години од почетокот на агресијата живее и работи во Темишвар, Романија. Иницирала или учествува во околу 30 културни и социјални проекти насочени кон поддршка на Украинците и засилување на украинскиот глас во Романија и Европа. Соработува и е организатор на украинската уметничка заедница во рамките на програмата Темишвар Град на Културата 2022.
Флавиус Илиони Лога (39 години) е новинар и социјален работник кој ја фокусира својата кариера на интеграцијата на бегалците и сложената реалност околу нив во Романија. Тој спроведува докторски истражувања со Западниот универзитет во Темишвар во врска со интеркултурниот аспект на социјалната интеграција на бегалците. Работи со бегалците од Темишвар веќе 12 години, а од 2017 година го координира Фестивалот за бегалска уметност во Темишвар, единствениот уметнички фестивал со и за бегалците во Источна Европа.
Ана Бречко е Украинка која пребегнала Темишвар, Романија, набргу по почетокот на војната во Украина. Таа е архитект-дизајнер, но речиси 2 години работи во Романија како интеркултурен посредник за украинските бегалци. Активно се бави со музика и ја користи музиката како медуим за промоција и заштита на украинската куклтура. Таа е победничка на меѓународниот вокален натпревар во Бугарија во 2018 година кога го освојува првото место меѓу 45 учесници.
Софија Ковалова е млада музичарка која е извонреден вокален солист, а во својот опус креира комбинации на традиционалната и модерната украинска музика користејќи локални мотиви и локални тоналитети како предлошка за нејзините изведби.
