Националната изборна комисија во Египет ги поништени резултатите од изборите во 19 региони

Националната изборна комисија на Египет објави дека ги поништува резултатите од првиот круг парламентарни избори во деветнаесет изборни единици во седум провинции поради нерегуларности, објавија локалните медиуми.

Одлуката ја објави на прес-конференција шефот на институцијата, Хазем Бадави, откако претседателот Абдел Фатах ал-Сиси нареди истрага за жалбите и инцидентите за време на гласањето.

„Властите ги следат нерегуларностите во 19 области во седум провинции, што вклучува нерегуларности во изборната кампања пред гласачките места, неможност за доставување на кандидатот или неговиот претставник копија од пребројувањето на гласовите и несовпаѓања во бројот на гласови помеѓу поткомисиите и општите комисии“, рече Бадави.

Првиот круг од изборите за Претставничкиот дом се одржа на 7 и 8 ноември во странство и на 10 и 11 ноември во 14 египетски провинции. Втората фаза вклучува 13 провинции и ќе се одржи на 21 и 22 ноември во странство и на 24 и 25 ноември дома. Се очекува конечните резултати да бидат објавени на 25 декември.

Долниот дом на египетскиот парламент се состои од 596 членови, од кои 568 се избираат, а 28 се назначуваат директно од претседателот. Четвртина од местата се резервирани за жени.