Над 30 повредени во Шпанија откако се откачи жичница

Повеќе од 30 лица се повредени во несреќа на жичница во североисточната шпанска скијачка област Астун, објави во саботата регионалната влада.

Според информациите со кои располагаат властите во Арагонија, девет лица се во критична состојба, а осум се тешко повредени. Тие рекоа дека точната причина за несреќата се уште е под истрага.

Првичните резултати од истрагата покажуваат дека проблемот со кабелот за поддршка можеби предизвикал жичницата да се помести од својата лулка.

Околу 80 луѓе беа заробени, „обесени“ на жичарницата, според државниот ТВ канал ТВЕ.

„Како да се одврза кабелот, столовите скокнаа и луѓето беа фрлени“, изјави сведок за ТВЕ.

Ски-центарот веднаш беше затворен, а во тек се бројни спасувачки операции.

Локалните власти распоредија неколку амбулантни возила и испратија четири хеликоптери на местото на настанот за да им пружат помош на повредените, кои се транспортирани во блиските болници, јавуваат медиумите.

Ски-центарот Астун се наоѓа во планинскиот венец Пиринеи на границата со Франција.