Skip to content
Македонскиот народен театар со претставата „Народен непријател“ од Хенрик Ибзен, во режија на Нина Николиќ, во наредните денови ќе гостува во Црна Гора и во Босна и Херцеговина.
„Народен непријател“ утре ќе биде одиграна на сцената на Црногорското народно позориште во Подгорица, а на 2 јуни во Босанското народно позориште во Зеница. Од МНТ најавуваат и други фестивалски гостувања во текот на јули.
Во претставата „Народен непријател“ играат: Никола Ристановски, Звездана Ангеловска, Дарја Ризова, Јана Вељановска, Ана Арсовска/Лана Грпчевски, Благој Веселинов, Петре Арсовски, Сашка Димитровска, Александар Михајловски/Григор Јовановски, Нино Леви и Мартин Ѓоргоски.
Претставата за краток период по премиерата доживеа голем успех и доби повеќе признанија и награди како на домашната така и на интернационалната фестивалска сцена.
