Неидентификуван летечки објект влегол во Полска од правец на границата со Украина

 Неидентификуван летечки објект денеска изутрината навлезе во воздушниот простор на Полска, членка на НАТО, од правец на границата со Украина, соопшти Оперативната команда на полската армија.

„Од моментот кога ја преминал границата до исчезнувањето на сигналот, бил следен од радари за ПВО“, соопшти Оперативната команда на социјалната платформа „Икс“.

Приватната телевизија „Република“ објави дека објектот бил баран во близина на градот Хрубиесов во јужна Полска. 

„Во согласност со важечките процедури, оперативниот командант на вооружените сили ги мобилизира расположливите сили и средства со кои располага“, стои во соопштението

Русија изврши воздушен напад во текот на ноќта против Украина, испраќајќи 158 беспилотни летала и проектили во својот најголем воздушен напад од почетокот на сеопфатната инвазија, чија цел беше критична инфраструктура, индустрија и воени објекти, соопшти украинската војска.