Несреќа во лифт во зградата на МРТ

52-годишна жена од Скопје се здобила со тешки телесни повреди при влегување во лифт во зградата на Македонската радио и телевизија (МРТ). Инцидентот се случил вчера, 3 септември, околу 11:20 часот. Повредената била итно пренесена во Градската општа болница „Св. Наум Охридски“, каде што ѝ е укажана медицинска помош. Случајот е пријавен во СВР Скопје, а за настанот е известен и трудов инспектор кој треба да ги утврди околностите на несреќата. Јави порталот Скопје 1.

Од Министерството за внатрешни работи информираат дека во болницата била донесена Е.Т. (52) од Скопје, која се повредила при обид да влезе во лифтот во објектот на МРТ. Во тек е постапка за утврдување на причините и околностите под кои настанал инцидентот. Дополнителни информации ќе бидат соопштени по извршениот инспекциски надзор и по завршување на полициските проверки.