Skip to content
Американскиот претседател Доналд Трамп објави видео во кое поранешниот претседател Барак Обама и неговата сопруга Мишел се прикажани како мајмуни. Видеото беше објавено синоќа на неговиот профил на социјалните мрежи „Truth Social“ и е посветено на претседателските избори во 2020 година. Видеото, кое е долго нешто повеќе од една минута, презентира наводни докази за нерегуларности за време на изборите за кои републиканскиот претседател тврди дека победил и вели дека му биле украдени.
Непосредно пред крајот на објавата, се појавува секвенца од две секунди со лицата на Барак и Миѓел Обама на телата на мајмуните, со џунгла во позадина, а во позадина се слуша песната „The Lion Sleeps Tonight“.
Канцеларијата на гувернерот на Калифорнија, Гевин Њусом, потенцијален демократски претседателски кандидат во 2028 година и истакнат критичар на Трамп, ја критикуваше објавата. „Одвратно однесување од страна на претседателот. Секој републиканец треба да го осуди ова. Сега“, напиша Њусом во X.
Бен Роудс, поранешен врвен советник за национална безбедност и близок доверлив човек на Барак Обама, исто така ги осуди сликите.
Обама е единствениот црн претседател во американската историја и ја поддржа противничката на Трамп, Камала Харис, за време на неговата претседателска кампања во 2024 година.
A video posted on President Trump’s Truth Social account portrays former President Barack Obama and former First Lady Michelle Obama as apes. pic.twitter.com/B6TLnB2Vqm
— Yashar Ali 🐘 (@yashar) February 6, 2026