Нов рекорд: Биткоинот помина 80 илјади долари

Вредноста на криптовалутата Биткоин денеска за прв пат го надмина прагот од 80 илјади долари со што постави нов рекорд.

Биткоинот е во постојан раст по победата на Доналд Трамп на изборите во САД, а максималната вредност која ја достигна денес изнесуваше 80.047 долари за еден биткоин.

Изминативе седум дена, Биткоинот порасна за повеќе од 17 отсто, додека некои останати алткоини бележат и уште поголем раст.

Аналитичарите сметаат дека вредноста на Биткоинот расте по победата на Трамп, поради неговото додоврување на крипто заедница во кампањата, кога тој вети дека ќе го задржи крипто пазарот нерегулиран и ќе обезбеди евтина електрична енергија за копање биткоини.