Новак падна на терен во Мелбурн, мораше да интервенира доктор!

Новак Ѓоковиќ се соочи со непредвидена ситуација на својот меч од третото коло на Австралија Опен против Холанѓанецот Ботик ван де Зандшулп. Српскиот ас доминантно го започна турнирот, но сега го очекуваше противник со кој има скор 1:1, а од кого загуби во последниот дуел минатата година.

Иако мечот се играше вечерта, температурите во Мелбурн надминаа 30 степени, што го правеше теренот дополнително тежок. Во текот на мечот, Новак доживеа непријатен пад, по кој сите околу теренот се стресоа. Српскиот тенисер веднаш побара медицинска помош, бидејќи го мачи болка и жуљ на нога.

Сепак, Ѓоковиќ брзо се врати во игра и со енергичен настап одговори фуриозно, освојувајќи го следниот гем со нула за противникот, продолжувајќи го мечот со резултат 6:3, 6:4, 2:1.

Овој пад ги загрижи навивачите, но изгледа дека нема сериозна повреда, а вниманието останува насочено кон следните гемови и натпревари на Австралија Опен.