Новата Влада што треба да се формира по денешните избори во Србија, ќе биде 18-та по ред од воведувањето на повеќепартискиот систем

 Новата Влада на Србија, што треба да се формира по денешните избори, ќе биде 18-та по ред од воведувањето на повеќепартискиот систем во државата во 1991 година и дванаесетта по демократските промени во 2000 година.

Во изминатите шест влади доминираше Српската напредна партија, која секојпат ја избираше Социјалистичката партија на Србија за свој коалициски партнер.

Од 1991 до 2023 година, само еден премиер имал три последователни влади, а тоа е актуелната премиерка Ана Брнабиќ. На чело на владата е шест години – од 2017 година.

Четворица премиери имаа по два последователни мандати – Мирко Марјановиќ од 1994 до 1998 и од 1998 до 2000 година, по октомвриските промени тоа беше Воислав Коштуница од 2004 до 2007 година и од 2007 до 2008 година. Потоа, Александар Вучиќ беше на чело на владата од 2014 до 2016 година и повторно до 2017 година, кога беше избран за претседател на државата.

Најдолго траеше првата влада на Мирко Марјановиќ и владата на Мирко Цветковиќ предводена од Демократската партија (2008-2012), по четири години.

Во повеќе од 30 години повеќепартиизам во Србија, низ владата поминаа вкупно неколку стотици луѓе на премиерски, потпретседатели и министри, од кои многумина беа на исти или слични функции повеќе пати.

По 2000 година рекордер со 13 години „министерување“ е Расим Љајиќ, кој беше министер во шест влади – министер за труд (2007-2008, 2008-2012) и министер за трговија и телекомуникации (2012-2014, 2014-2016, 2016-2017, 2017-2020).

Со 11 години министер и две години премиер, е лидерот на социјалистот Ивица Дачиќ. Прво како министер за внатрешни работи од 2008 до 2012 година, потоа беше премиер од 2012 до 2014 година, веднаш се пресели на функцијата министер за надворешни работи до 2020 година, а по минатогодишните избори се најде на истата позиција.

По него е Зорана Михајловиќ, која беше министерка вкупно 10 години, во пет мандати, објави Н1.