Skip to content
Новинарот Тричковски соопшти на својот профил на Фејсбук дека бил повикан на информативен разговор во Полициската станица Лисиче поради негов коментар објавен на социјалната мрежа Фејсбук. Според неговиот статус, двајца полициски службеници дошле на неговата адреса околу 13 часот и му врачиле покана да се јави „веднаш“ кај надлежни инспектори. На самото место, како што наведува, му било кажано дека интересот на полицијата е поврзан со содржина од негов коментар, за кој имало „бурни реакции“ на интернет.
Бурните реакции се однесувале на овој дел од неговиот коментар:
“Најголем предизборен штос би направиле кога во куферот би го напикале распарчаното тело на Христијан!”
“Ги интересираше името Христијан.
Дали сум мислел на Мицкоски.
Не, им реков, Христијан е општо име за манипуланти кои шират атмосфера на стрв и несигурност, користејки ги своите медиумски песови кои се трудат да ги втераат сите овци во исто грло.” објаснува Тричковски во неговиот Фејсбук статус.
Тричковски додава дека очекувал такви реакции и дека коментарот бил „јадица“ за партиски структури, но не наведува детали за понатамошни постапки или евентуални мерки. Засега нема официјална потврда од МВР за повикот или за предметот на разговорот; информациите се засноваат на неговото јавно обраќање на Фејсбук.