Ново откритие, сме еволурале пред 1 милиони години

Реанализиран фосилен череп стар околу еден милион години („Yunxian 2“) од провинцијата Хубеи, Кина, ги натера научниците да предложат дека раздвојувањето на нашата лоза и онаа на неандерталците/денисовците се случило барем за 400–500 илјади години порано од досега прифатеното. Студијата е објавена во списанието Science и, ако се потврди, би поместила наназад клучна етапа во приказната за модерните луѓе. Но тоа не значи дека „Хомо сапиенс“ живеел пред милион години: истражувачите говорат за порано раздвојување на лозите, не за постоење на нашиот вид во тоа време.

Фосилот, откриен уште во 1990 година и досега често сметан за Homo erectus, е дигитално реконструиран и по низа морфолошки споредби е сместен во азиската лоза сродна со т.н. „Homo longi“/денисовци — сестринска група на Homo sapiens. Токму таквото позиционирање сугерира дека гранките што водат кон нас, кон неандерталците и кон денисовците се раздвоила(е) многу порано, веројатно пред повеќе од еден милион години.

Доминантната генетска слика од последнава деценија ја лоцира разделбата на нашата и неандерталската/денисовската линија околу пред 600–700 илјади години, со најрани фосили на H. sapiens во Африка околу 300 илјади години. Новата интерпретација ја турка разделбата подалеку во минатото и остава простор дел од клучните чекори да се случувале и надвор од Африка — теза која сигурно ќе отвори дебата меѓу антрополози и генетичари додека не се појават нови фосили/ДНК. Дури и коавторите предупредуваат дека ова „ја менува рамката“, но не ја затвора расправата.