Skip to content
Обединетите Арапски Емирати ги поздравија напорите на американскиот претседател Доналд Трамп за ставање крај на војната во Судан, повикувајќи на итен и безусловен прекин на огнот.
Министерот за надворешни работи на ОАЕ, шеикот Абдула бин Зајед Ал Нахјан, ги поздрави изјавите на американскиот претседател Доналд Трамп во кои се повикува на ставање крај на ужасните напади извршени врз цивилите за време на граѓанската војна што трае повеќе од две години, како и неговото лидерство во напорите за постигнување стабилност во Судан, во разговор со високиот американски дипломат Марко Рубио, се вели во соопштението на министерството.
ОАЕ често се обвинувани за поддршка на паравоените Сили за брза поддршка (RSF) во нивната војна со суданската армија, обвинение што го негираат.
ОН ја опиша војната во Судан како најголема хуманитарна криза во светот. Околу 12 милиони луѓе беа принудени да ги напуштат своите домови поради борбите меѓу владините сили и СБП.
