Околу 80.000 луѓе евакуирани поради разорни поплави во американската држава Вашингтон

Повеќе од 78.000 жители се евакуирани во државата Вашингтон на северозападот од САД, поради големи поплави предизвикани од неколкудневни интензивни врнежи, јавува AP. Поплавите заробија семејства на покривите од нивните домови, уништија мостови и предизвикаа сериозна материјална штета, вклучително и најмалку две куќи целосно изместени од темелите.

Гувернерот Боб Фергусон прогласи вонредна состојба и апелираше граѓаните да ги почитуваат наредбите за евакуација, бидејќи реката Скаџит продолжува да расте и се приближува до рекордно високи нивоа.

Во поплавената зона северно од Сиетл и натаму владее висок ризик. Мостови се под вода, главни патишта се уништени, а лизгање на земјиште го блокира автопатот 90 источно од градот. Во Сумас, Нуксак и Евeрсон, водата принуди масовни евакуации, додека спасувачките екипи со хеликоптери извлекуваа семејства од покривите на куќите – во Сумас водата достигна 4,6 метри.

Властите предупредуваат на дополнително влошување на состојбата, бидејќи викендов се очекува нов силен дождовен бран.