Опозицискиот лидер на Венецуела, Гонзалез пристигнал во Шпанија барајќи азил

Канцеларијата на државниот обвинител на Венецуела во понеделникот соопшти дека судот издал налог за апсење на опозицискиот лидер Едмундо Гонзалес, обвинувајќи го за заговор и други злосторства додека се уште трае спорот за тоа дали тој или претседателот Николас Мадуро победиле на изборите во јули.

Потерницата против Гонзалес би претставувало голема ескалација во репресијата на владата на Мадуро против опозицијата по спорните избори, пишува Ројтерс.

Во меѓувреме, Гонзалез одлетал за Шпанија каде што побарал азил, објави официјален Мадрид.

Гонзалез пристигнал во Шпанија заедно со неговата сопруга. 75-годишниот Гонзалез според западните земји и повеќе меѓународни тела е победник на оспорените избори во Венецуела.

„Денес е тажен ден за демократијата во Венецуела. Во една демократија, ниту еден политички лидер не треба да биде принуден да бара азил во друга држава“ изјави Жозеп Борел од ЕУ.

„Гонзалез останува најдобрата надеж за демократија. Не смееме да дозволиме Мадуро и неговите претставници да ја задржат власта со сила“ рече американскиот државен секретар, Ентони Блинкен.

Потпретседателот на Венецуела, Делси Родригез изјави дека властите му дозволиле слободен излез на Гонзалез во обид да го вратат „политичкиот мир“ во земјата, а од шпанското министерство за надворешни работи изјавија дека немале официјални разговори со Венецуела во врска со азилот на Гонзалез.

Изборната комисија на Венецуела и највисок суд во државата рекоа дека Мадуро бил победник на изборите на 28 јули со нешто повеќе од половина од гласовите, но резултатите што ги сподели опозицијата покажуваат убедлива победа на Гонзалес.

Налогот за апсење на Гонзалез следеше по неколкунеделните коментари на највисоките владини претставници дека Гонзалес и другите членови на опозицијата треба да одат во затвор.

„Овој човек има нерви да каже дека не признава закони, ништо не признава. Што е со тоа? Тоа е неприфатливо“, рече Мадуро во пренос на државната телевизија. „Граѓаните се согласуваат дека законите мора да функционираат и службениците да си ја вршат својата работа“.

Опозицијата, некои западни земји и меѓународните тела, како што е експертскиот панел на Обединетите нации, рекоа дека гласањето не било транспарентно и побараа објавување на целосните резултати, додека некои обвинуваат и за изборна измама.

„Тие ја изгубија секоја претстава за реалноста“, рече опозицискиот лидер Марија Корина Мачадо на X. „Заканувањето кон новоизбраниот претседател само ќе постигне поголема кохезија и ќе ја зголеми поддршката на Венецуелците и светот за Едмундо Гонзалес“.

Опозицијата објави, како што вели, копии од над 80 отсто од гласовите на гласачките кутии на јавна веб-страница, додека избирачкиот совет вели дека сајбер нападот во изборната ноќ го спречил нејзиното објавување на гласовите во целост.

Сааб, исто така, започна криминални истраги против Мачадо и самата веб-страница за броење гласови на опозицијата, а притворањата на опозициските фигури и демонстрантите продолжија во неделите од гласањето.

Протестите доведоа до најмалку 27 смртни случаи и околу 2.400 апсења.

Гонзалес игнорираше три покани да сведочи за веб-страницата, дозволувајќи потенцијално да биде издаден налог за него во тој случај.

Налогот беше издаден откако обвинителот Луис Ернесто Дуенез побара Гонзалес да биде уапсен за узурпација на функции, фалсификување на јавни документи, поттикнување на непочитување на законот, заговор и здружување, сето тоа наводно извршено против државата Венецуела.

Мачадо потврди на X дека Гонзалес сега е во Шпанија, додавајќи дека побегнал за да ја заштити својата „слобода, својот интегритет и својот живот“.

„Зголемените закани, повикувања, налози за апсење, па дури и обидите за уцена и принуда на кои тој беше подложен покажуваат дека режимот нема ограничувања во својата опсесија да го замолчи и да се обиде да го скрши“, напиша таа.

Гонзалес ќе продолжи да се бори за опозицијата од Шпанија, додека таа ќе продолжи да го прави тоа во Венецуела, рече Мачадо и вети дека тој ќе положи заклетва на 10 јануари 2025 година, кога ќе започне следниот претседателски мандат.

САД подготвија список од околу 60 венецуелски владини службеници и членови на нивните семејства кои би можеле да бидат санкционирани во првите казнени мерки по изборите, изјавија за Ројтерс две лица блиски до ова прашање.

По гласањето, националното собрание под контрола на владејачката партија усвои закон за заострување на правилата за невладините организации и синдикатите, што принудија оставки од државните службеници кои имаат проопозициски ставови.

Шпанскиот министер за надворешни работи Хозе Мануел Албарес изјави за шпанската телевизија дека му рекол на Гонзалес „секое лице чиј физички интегритет или основни права може да бидат загрозени ќе биде добредојдено во Шпанија и нејзината амбасада“.

Тој додаде дека неговото преместување во Шпанија било планирано со денови и Министерството за надворешни работи соопшти дека процесот за азил на Гонзалес сега ќе започне.

Гонзалес побарал засолниште во холандската, а потоа и во шпанската амбасада во Венецуела по изборите, соопштија холандските и венецуелските власти.

Холандскиот министер за надворешни работи Каспар Велдкамп во неделата во писмо до неговиот парламент рече дека Гонзалес итно побарал засолниште во холандската амбасада ден по изборите.

„На почетокот на септември, Едмундо Гонзалес посочи дека сака да замине и да ја продолжи борбата од Шпанија“, додаде Велдкамп.

Барањето за апсење на Гонзалез дојде неколку часа откако администрацијата на Бајден рече дека авионот што го користел Мадуро бил конфискуван во Доминиканската Република, откако утврдила дека неговото купување ги прекршило американските санкции, потег што венецуелската влада го осуди како чин на „пиратство“.

Извор: Ројтерс