Откриена е причината за смртта на Ози Озборн

Една недела по погребот, семејството на Ози Озборн ја соопшти причината за смртта на рок-иконата.

76-годишниот фронтмен на „Блек Сабат“, на кого му беше дијагностицирана Паркинсонова болест во 2019 година, починал на 22 јули од срцев удар.

Уверението за смртта, поднесено од неговата ќерка Ејми во канцеларијата на лондонскиот регистратор, го доби и го објави „Њујорк тајмс“.

„Во потврдата се наведува дека Озборн починал од „(а) срцев застој надвор од болница (б) акутен миокарден инфаркт (в) коронарна артериска болест и Паркинсонова болест со автономна дисфункција (комбинирани причини)“, објави весникот.

Минатата недела, Ози беше погребан покрај езерото во рамките на неговиот семеен имот.

Посмртните останки на „Принцот на темнината“ беше придружувано со јавна поворка низ улиците на Бирмингем на 30 јули, за време на која илјадници обожаватели, како и семејството на Ози, му оддадоа почит.

Музичката легенда беше погребана еден ден подоцна во неговиот семеен дом – кој тој и неговата сопруга Шерон го купија во 1993 година – во приватна церемонија за 110 негови најблиски, објави „Сан“.

Венец со натписот беше поставен на работ на водата за време на церемонијата, на која присуствуваа Шерон и неговите деца Џек, Кели, Ејми и Луис, синот на Ози од неговиот прв брак со Телма Рајли.

Меѓу ожалостените беа ѕвезди како што се колегите на Ози од бендот „Блек Сабат“, Џејмс Хетфилд од „Металика“, „Јангблуд“, Сер Елтон Џон и Мерилин Менсон.

Други познати гости беа гитаристот на Ози, Зак Вајлд, и фронтменот на „Слипкнот“, Кори Тејлор.

„Ози сакаше неговото последно почивалиште да биде дома и е погребан на прекрасно место на езерото“, рече извор близок до семејството.