Ова се најопасните аеродроми во светот: Еден е застрашувачки, само осум пилоти смеат таму да слетаат! (ВИДЕО)

Во видео споделено на TikTok од корисникот @spreadinggeo, се вели дека аеродромот Паро во Бутан го држи петтото најопасно место на листата на аеродроми за слетување на планетата.

5. Паро – Бутан

Пистата на единствениот меѓународен аеродром во Бутан е целосно опкружена со Хималаите, а авионите за слетување мора да се пробијат низ тесни долини без помош на радар.

Поради ова, само 17 пилоти имаат сертификат да слетаат овде, и тоа само во текот на дневните часови и во одредени попладневни периоди за време на ветровитите.

4. Куршевел Алтипорт – Франција

Следен на листата е аеродромот Куршевел Алтипорт, кој го опслужува популарниот ски-центар на француските Алпи и е достапен само со мали авиони и хеликоптери.

Пистата на овој аеродром е со нагорнина, без светлосна сигнализација, а се наоѓа веднаш до скијачките патеки и во текот на 70% од годината е покриена со снег и мраз.

Аеродромот има видено неколку несреќи во текот на годините поради слаба видливост и лизгање на авионот, вклучително и една во август 2021 година, кога едно лице загина.

3. Мадеира – Португалија

На трето место е аеродромот, кој би изненадил многумина, со оглед на тоа што годишно низ него минуваат над 1,6 милиони туристи. Мадеира, четвртиот најпосетуван регион во Португалија, го има еден од најопасните аеродроми во светот, бидејќи е изграден над океанот и изложен на силни ветрови.

Пилотите кои летаат за Мадеира мора да поминат дополнителна обука пред да можат да слетаат таму.

На овој аеродром се забележани четири фатални авионски несреќи, од кои последната се случи на 11 септември 2003 година, кога набрзо по полетувањето загинаа британски пилот и девет шпански патници.

2. Тонконтин – Хондурас

Следен е аеродромот Тонконтин во Хондурас, целосно опкружен со планини. За да слетаат, пилотите мора да направат остар пресврт од 45 степени непосредно пред да се допрат на пистата. Според корисникот @spreadinggeo, искусните пилоти често велат: „Не се слетуваш на Тонконтин – таму преживуваш“.

Аеродромот беше место на многу фатални несреќи, од кои последната се случи во февруари 2011 година, кога авион на Central Airways се урна на приближување, на 20 километри од пистата. Сите 14 патници и членови на екипажот загинаа.

1. Лукла – Тензинг-Хилари – Непал

Најопасниот аеродром во светот е аеродромот Лукла, познат и како аеродромот Тензинг-Хилари во Непал, а патниците овде честопати мораат „да се вооружат со трпение и челични нерви“

Сместен меѓу стрмните хималајски планини, овој мал аеродром е на 2,5 километри надморска височина, опкружен со остри врвови високи до 5.500 метри.

Слетувањето е толку ризично што само осум пилоти во светот се квалификувани да слетаат на оваа писта. До јули 2011 година, само една авиокомпанија – Друк Ер – имаше дозвола да го користи аеродромот.

Пистата е долга само 1980 метри – една од ретките во светот која е пократка од висината на која се наоѓа.

Авионите треба да се пробијат низ десетици куќи расфрлани по планинските падини – кои се на неколку метри од покривот.

Летовите се дозволени само на дневна светлина и во визуелни метеоролошки услови – што значи дека пилотот мора самиот визуелно да ја процени ситуацијата, без да се потпира на инструменти како при ноќните летови.

Силните ветрови често создаваат силни турбуленции во котлините. Патниците кои летаа на аеродромот го опишаа слетувањето како „застрашувачко“.