Skip to content
Оземпик, популарниот лек на „Ново Нордиск“ што се користи за регулирање на шеќерот во крвта и слабеење, се соочува со сериозен правен удар. Од август 2023 година досега се поднесени над 2.676 тужби против компанијата, во кои се тврди дека пациентите не биле доволно информирани за потенцијалните ризици и несакани ефекти од инекциите со семаглутид.
Случаите се консолидирани под MDL бр. 3094 во Пенсилванија, а правните експерти предупредуваат дека потенцијалните финансиски штети би можеле да надминат 2 милијарди долари.
Оземпик делува со имитирање на хормонот GLP-1, потиснувајќи го апетитот, забавувајќи го варењето и регулирајќи го шеќерот во крвта. Иако првично беше развиен за третман на дијабетес, лекот стекна огромна популарност поради ефектите за слабеење – што дополнително го направи атрактивен и кај јавни личности.
Алтернативи на Оземпик се лековите GLP-1 како Рибелсус и Мунџаро, кои, според пишувањата на медиумите, ги користеле и познати имиња како Илон Маск и Серена Вилијамс.
