Палестинското исламистичко движење Хамас соопшти дека повеќе од 60 луѓе  

 Палестинското исламистичко движење Хамас соопшти дека повеќе од 60 луѓе биле убиени во текот на ноќта во „интензивните“ израелски напади врз Појасот Газа.

Прес-службата на владата на Хамас, кој е на власт во Газа соопшти дека во нападите во текот на ноќта и рано утрово се погодени две болници, едно училиште и „десетици“ згради.

Израелската армија од своја страна соопшти дека гаѓала „двајца терористи кои ставале оружје во возило“ во Кан Јунис, на југот на Газа, нападнале „команден центар на Хамас“ и заплениле оружје.

Според соопштението на Хамас, нападите и артилерискиот оган биле насочени кон Кан Јунис и јужниот град Рафа, каде што израелската армија сега ја концентрира својата офанзива, како и други области на опколената територија.