Skip to content
Папата Франциск се осврна на 2023 како година обележана со војна за време на традиционалниот неделен благослов.
Говорејќи од прозорецот со поглед на плоштадот Свети Петар во Ватикан, тој упати молитви за „измачениот украински народ и палестинското и израелското население, суданскиот народ и многу други“.
– На крајот на годината ќе имаме храброст да се запрашаме колку човечки животи се уништени од вооружените судири, колку мртви и колку уништувања, колку страдања, колку сиромаштија, рече понтифот.
– Оние кои имаат интерес во овие конфликти, слушајте го гласот на совеста, повика папата.
Илјадници луѓе се собраа на плоштадот за да го слушнат последниот неделен благослов на папата Франциск за оваа година.
