Пет лица загинаа во пожар во мотел во Романија

 Пет лица загинаа во пожар што избувна денеска во мотел во Романија.

Во мотелот во селото Тохани во областа Прахова во моментот на пожарот, кој сега е изгаснат, имало 26 лица, а меѓу жртвите има и едно дете.

Од Генералниот инспекторат за вонредни состојби соопштија дека екипи се на терен. Се трага по лица кои се водат за исчезнати.

Пожарот зафатил околу 1.000 метри квадратни, а причината за неговото избувнување се уште не е позната.