Петиција часовникот на железничката станица во Нови Сад трајно да го покажува времето на несреќата

Граѓанската асоцијација Мост солидарност од Нови Сад испратила петиција до Железничката инфраструктура на Србија со апел часовникот на железничката станица во тој град трајно да покажува 11:52 часот, моментот кога бетонската настрешница на таа зграда се урна на 1 ноември, што резултираше со 14 смртни случаи, три лица беа тешко повредени.

Во соопштението тие наведуваат дека со овој симболичен гест „ќе се оствари трајно сеќавање на загинатите и ќе се подигне своевиден споменик на жртвите од трагедијата“.

Денеска во Нови Сад се одржа и акцијата „Стоп, Нови Сад“, во која од 11:52 до 12:06 часот опозицијата и граѓаните одбележаа 14 дена од смртта на 14 лица на железничката станица во Нови Сад. Опозицијата ја одбележаа и оваа акција во Белград со развиткување на црно платно пред Собранието на Србија и блокирање на сообраќајот.

За утре и за во недела се закажани нови протести за одговорност на трагичната несреќа.