Skip to content
Во гостување на Телевизија 21 вечерва министерката за одбрана Славјанка Петровска го објасни процесот на набавка на хеликоптерите и одговараше на обвинувањата кои доаѓаат од ВМРО-ДПМНЕ
„Од коментарните што ги чув од Александар Николоски и од неговиот колега (Драган Ковачки), имам дилеми дали до толку не знаат што зборуваат, свесно го прават тоа за да ме омаловажат мене или свесно да ги поткопаат процесите, но сега веќе го знам одговорот. Кога ќе се сетам на целосната изјава на пратеникот Александар Николоски, кој е и потпретседател на партијата, а она што се слуша веќе во партијата го одредиле и за министер за одбрана во сенка, кога вели ние тие пари ќе ги пренамениме за општините и тука станува јасно дека тие (ВМРО-ДПМНЕ) немаат намера да продолжат со процесот на модернизација на одбраната. Тие сакаат македонската армија да ја вратат во 2017 година, таму каде што ја оставија и оваа изјава е потрврда за тоа“, рече Петровска.
Петровска го повика на ТВ соочување потпретседателот на ВМРО-ДПМНЕ Александар Николоски.
„Кога сме на таа тема, јас секогаш сум отворена прашањата ги одговарам директно, меѓутоа и за овие обвинивања сум поготвена да одговорам директно и еве ова нека биде една покана до пратеникот Александар Николоски за едно ТВ соочување со мене на тема хеликоптери. Што има да каже слободно нека ми каже на телевизија, пред граѓаните“, порача Петровска.
