Skip to content
Хрватскиот премиер Андреј Пленковиќ денеска на климатскиот самит КОП28 во Дубаи изјави дека целта за ограничување на зголемувањето на глобалното затоплување на 1,5 степени Целзиусови повеќе не е остварлива, но оти светот сега мора да дејствува решително за да го задржи под два степени, а особено побогатите земји кои испуштаат најголеми количества гасови.
Најбогатите 10 проценти земји во светот се одговорни за половина од емисиите на CO2, додека најсиромашната половина од човештвото создава само осум отсто од емисиите, нагласи тој.
– Повеќе од кога било, мора да дејствуваме без одлагање и пропорционално на нашето влијание врз глобалното затоплување. Хрватска е решена да ја игра својата улога на сигурен партнер во рамките на Конвенцијата на КОП, го заврши своето обраќање хрватскиот премиер.
Пленковиќ истакна дека глобалното затоплување се забрзува, наместо да се забавува, како и дека се зголемува емисијата на гасови кои предизвикуваат ефект на стаклена градина.
Пленковиќ потсети дека за прв пат во историјата на човештвото, на 17 ноември годинава е достигната границата на затоплување од два степени повеќе во однос на прединдустрискиот период.
