По купувањето на авиони Ф-16, Полска купува и ракети со дострел од илјада километри од САД

 Полска купува од САД крстосувачки ракети во вредност од 677 милиони евра за да ги зголеми своите одбранбени капацитети поради можната руска закана.

-Војната во Украина покажа колку е важно да можеме да погодиме цели далеку од борбената линија, а дострелот на ракетите што ќе ги купиме е околу илјада километри, се вели во соопштението.

Ракетите АГМ-158 ЈАССМ-ЕР ќе бидат испорачани меѓу 2026 и 2030 година.

Договорот треба да биде потпишан денеска, а беше склучен како дел од брзата модернизација на полската армија како одговор на руската агресија.

Варшава презеде чекори за зајакнување на своите воени сили откако Русија ја започна својата целосна инвазија на соседна Украина.

ЈАССМ е крстосувачка ракета со долг дострел воздух-земја од американско производство со дострел до илјада километри.

Полска неодамна распореди авиони Ф-16 за да го заштити полскиот воздушен простор за време на масовните руски ракетни и беспилотни напади врз Украина.

Полската влада, наводно, размислува дали да ги вклучи своите единици за противвоздушна одбрана во соборувањето на руски ракети кои се приближуваат до нејзината источна граница.