Полицијата ги идентификува сите 40 жртви од пожарот во барот на скијалиштето Crans-Montana

Полицијата во Швајцарија ги идентификува сите 40 жртви од пожарот што избувна во барот Le Constellation на скијалиштето Crans-Montana за време на прославата на Новата година, јавува BBC.

Жртвите биле на возраст од 14 до 39 години, при што 15 лица биле помлади од 18 години. Најмладите биле 14-годишно девојче од Швајцарија и 14-годишно момче од Франција.

Меѓу загинатите има државјани на Швајцарија,Италија, Романија, Турција, Португалија, Франција и Белгија, како и државјани на Обединетото Кралство и Израел.

Покрај 40-те загинати, повредени се уште 119 лица, повеќето со тешки изгореници, а шестмина од нив се толку тешко повредени што сè уште не се идентификувани.

Швајцарските власти прогласија национален ден на жалост на 9 јануари.

Се води кривична истрага против францускиот брачен пар кој управувал со барот. Прелиминарните податоци укажуваат дека испарувачите на течности кои биле пренесени многу блиску до плафонот се најверојатниот извор на пожарот.

Полицијата соопшти дека, од почит кон семејствата на жртвите, нема да објавува дополнителни лични податоци.