Skip to content
Унгарија сигнализираше дека може да го укине ветото на пакетот финансиска помош на Европската унија за Украина во вредност од 50 милијарди евра, доколку финансирањето се оценува и се гласа на годишно ниво, објави порталот „Политико“, цитиран од агенцијата Укринформ.
Будимпешта сигнализираше дека може да го укине ветото доколку Европскиот совет едногласно го одобри финансирањето на годишно ниво, изјавија тројца европски дипломати.
Политико наведува дека тоа ќе му даде на унгарскиот премиер Виктор Орбан можност да го блокира европското финансирање за Украина секоја година, како и да бара отстапки од Брисел во замена за укинување на ветото.
Порталот истакнува дека неколку европски дипломати и понатаму се скептични, додавајќи дека одлуката да се обезбеди помош на годишно ниво нема да обезбеди предвидливост на Украина.
-Седумгодишната буџетска рамка на ЕУ е повеќегодишна рамка и не може да се менува секоја година, рече еден од тројцата споменати европски дипломат.
Укрионформ најавува дека финансиската помош на ЕУ за Украина ќе биде разгледана на утрешниот состанок на постојаните претставници во Советот на ЕУ.
